Silent  night


Nocc da silenzi.

Tücc vöran cantàa,
nissün vör stàa cito
par 'scultàa ur cör che batt
ur temp lungh da ra Vita,
da ra vita da tücc.

Nocc da silenzi.

Tücc vöran cur e saltàa,
nissün vör stàa cito
par rimiràa i düü ögiòni
dar Bambìn,
i ögiòni da tütt i bagài.

Nocc da silenzi.

Tücc vöran fa festa, vusàa,
nissün vör stàa cito
par sentìi piangg ur pinèla
cunt  ra palta fin ar col,
ra palta da tutt i nos magàgn.

Silent night.

Tücc cantaràn,
Bambin,
nissün vörarà stàa cito
e portàa ra cruz,
Signur.

versione italiana non disponibile